17 сентябрь куни iOS операцион тизимининг саккизинчи версияси барча учун фойдаланишга топширилди. «Пароль» нашрининг MixPanel маълумотларига асосланиб хабар беришича, 21 сентябрь ҳолатига кўра iOS қурилмаларининг 29,85 фоизи янги iOS 8 версиясида ишламоқда.
Бугунги кунда iOS 7 версиясида ишлайдиган Apple гаджетлари 65,61 фоизни ташкил этса, анча эскироқ iOS версияларидан 4,54 фоиз қурилмалар фойдаланмоқда.
Янги iOS 8 версияси тақдим этилган кун — 17 сентябрга қадар 95 фоиз iOS қурилмаларида iOS 7 версияси ўрнатилган бўлган. 22 август ҳолатига кўра, 91 фоиз iOS қурилмалар операцион тизимнинг iOS 7 версиясида ишлаётган эди.
Изоҳ (0)