Таиландда яшовчи 59 ёшли Дуангжей Самаксамам исмли аёл қўл бармоқлари маҳаллий гигантизмининг камдан-кам учрайдиган шаклидан азоб чекади. Шу касаллик туфайли қўлларининг ҳар бири бир неча ўн килограмм оғирликка эга бўлган. Бироқ аёл операция қилдиришни истамаяпти, деб ёзади Daily Star.
Дуангжей ушбу хасталикка болалигида чалинган, 20 ёшигача улкан қўллари билан одамлар кўзига кўринишга уялган. Бироқ сал вақтдан сўнг ота-онаси уни оилавий дўконда ишлашга мажбурлаган, Дуангжей ҳалигача ўша ерда меҳнат қилади.
Аёл бош ювиш, қошиқ ва вилка билан овқатланиш каби оддий ҳаракатларни бажаришга қийналади, бундан унинг қўлларига қаттиқ оғриқ тушади. Бироқ у оғриққа ўрганиб ҳам кетган.
25 ёшида Дуангжей биринчи операцияни бошидан кечирган: қўлларидаги ёғлар олиб ташланган, аммо кўп ўтмай, улар қайтадан тўпланиб, қўллари аввалгидан ҳам каттароқ бўлиб шишиб кетган. Шифокорларнинг айтишича, уни азоблардан қутқаришнинг ягона йўли — иккала қўлни ҳам кесиб ташлашдир. Аёл эса бунга рози эмас, у мутахассислар тез орада бу касалликни даволашнинг бошқа усулини ўйлаб топишига умид қилмоқда.
Дуангжей Самаксамамнинг муаммоси ҳақида дунёнинг турли мамлакатларидаги шифокорлар хабар топган, бироқ ҳеч ким унга ёрдам бера олмаяпти. Шундай бўлса-да, аёл протез таққандан кўра, касал бўлса ҳам ўзининг қўлига эга бўлишни афзал билмоқда.
Изоҳ (0)