Microsoft компаниясининг асосчиси Билл Гейц ҳам Шарко (мушак фалажи) касаллиги билан оғриганлар учун пул йиғиш ҳайрия кампанияси доирасида ўз устидан муздек сув қуйиб юборди. Бу ҳақда Mashable маълумотига асосланиб «Пароль» нашри хабар берди.
Аввалроқ Facebook асосчиси Марк Цукерберг худди шундай қилгани ва яна уч кишини бу ишни қилишга ундагани ҳақида хабар берган эдик. Улар орасида Билл Гейц ҳам бор эди. Microsoft асосчиси ҳам акциянинг тўлақонли давомчисига айланди.
Акция қоидасига кўра, ўз устидан сув қуйишга чақирилган киши бу ишни қила олмаса Шарко касаллигига қарши кураш учун ҳайрия қилиши зарур, ёки бир пайтнинг ўзида ўз устидан сув қуйиши ҳам, ҳайрия ҳам қилиши мумкин. Ўз устидан сув қуйиб юборган киши эса 24 соат давомида худди шу ишни қилишга яна уч кишини ундаши мумкин.
Билл Гейц эса ўз устидан муздек сув қуйишга Раян Сикрест, Крис Андерсон ва Tesla компаниясининг асосчиси Элон Маскларни ундади.
Ҳайрия кампаниясининг хабар беришича, акция бошлангандан бери 9,5 миллион доллар ҳайрия тўпланган.
Изоҳ (0)