Жорий йилда ОТМларга кириш имтиҳонларини топширган абитуриентлар тест натижаларини онлайн пластик карточкаларига уланган Click хизмати орқали билиб олиши мумкин. Бу ҳақда Click компанияси расмий сайтидаги маълумотга асосланиб, ҳуқуқшунос Хушнудбек Худойбердиев сайтида хабар берилди.
Давлат Тест Маркази билан эришилган ҳамкорлик натижасида бу йил кириш имтиҳонларини топширган абитуриентлар ва уларнинг яқинлари учун Click тизимида имтиҳонларнинг натижаларини SMS орқали олиш имконияти яратилди, дейилади хабарда.
Натижаларни билиб олиш учун USSD-менюсида (*880#) очилган «ДТМ — 2014» бўлимига кириш лозим. Ундан сўнг, абитуриентнинг жавоблар рақамини киритиш керак бўлади. Имтиҳон натижалари 15 августдан кейин, яъни Давлат Тест Марказидан олингандан сўнг автоматик равишда SMS орқали юборилади.
Сўров қиймати 1500 сўмни ташкил этади.
Эслатиб ўтамиз, ДТМ сайтида берилган хабарга кўра, тест натижаларини 5100 рақамига SMS юбориш орқали ҳам билиш мумкин. Мазкур хизмат фақат Ucell компанияси абонентлари учун амал қилади. Битта чиқувчи SMS нархи — $0.75.
Click хизматини ёқтириш билан боғлиқ барча саволлар жавобини компания сайтида (http://click.uz/uz) олиш мумкин.
Изоҳ (0)