Муқобил энергия манбаларидан фойдаланишни кенгайтириш бўйича Вазирлар Маҳкамасининг 2014 йил 26 майдаги 79-сонли йиғилиш баёнига асосан, шунингдек муқобил энергия манбалари бўйича маълумотларни йиғиш мақсадида, давлат статистика органлари томонидан жорий йилнинг 20 августидан 30 августига қадар якка тартибдаги ва кўп хонадонли турар-жой уйларида муқобил энергия манбаларидан фойдаланиш ва энергия истеъмоли самарадорлигини ошириш бўйича танлама кузатув ўтказилади. Бу ҳақда қўмита ахборот хизмати хабар берди.
Мазкур танлама кузатув Ўзбекистон Республикасининг барча ҳудудларида, жумладан Қорақалпоғистон Республикаси, вилоятлар ва Тошкент шаҳри бўйича ўтказилади. Жами кузатиладиган уйлар сони 901 та, шу жумладан шаҳар жойларида – 318 та, қишлоқ жойларда – 583 та.
Кузатув мобайнида дизел генератор қурилмалар, қуёш батареялари, сув иситиш учун қуёш коллектор қурилмалари, биогаз қурилмаларидан фойдаланган ҳолда энергия ишлаб чиқариш ҳажми ҳамда умумий тизимга уланмаган стационар иситиш тизимларидан фойдаланиш, шунингдек уйларни иситиш ва иссиқ сув билан таъминловчи қозонхона томонидан кўмир ва кўмир брикетларининг ишлатилиши ҳақида маълумотлар йиғилади.
Изоҳ (0)