Бугун,

  • USD 11014.01
  • RUB 191.8
  • EUR 10674.78

Фаластиннинг ҲАМАС ташкилоти КХДР билан қурол-яроғ етказиб бериш ҳақида битим тузишга уринмоқда. Бу ҳақда 26 июль, шанба куни Британиянинг The Telegraph нашри Ғарб хавфсизлик хизматларига таяниб хабар берди.

ҲАМАС жангарилари. Фото: cnn.com

ҲАМАС жангарилари. Фото: cnn.com

Газета ёзишича, гуруҳ Пхеняндан Исроилга ҳужум уюштиришда асқотадиган ракеталар ва алоқа қурилмаларини сотиб олмоқчи.

Битим қиймати «юз минглаб доллар»га баҳоланмоқда. Музокаралар Бейрутдаги ҲАМАС билан яқин алоқада бўлган Ливан компанияларидан бири орқали олиб борилмоқда. Тахмин қилинишича, радикал гуруҳ вакиллари дастлабки тўловни амалга ошириб бўлган ва КХДРнинг яқин вақт ичида Ғазога қурол етказиб беришини кутмоқда.

Исроил разведкаси маълумотларига кўра, ҲАМАС арсеналида ўнг мингга яқин миномётлар ва ракеталар, жумладан, Қуддус, Тел-Авив ва Ҳайфагача етиб бора оладиган ракеталар сақланмоқда. Ҳарбий экспертлар фаластинликлар Пхеняннинг ер ости туннеллари тармоғи қуриш тажрибасини ҳам ўзлаштиргани ҳақида гумон қилмоқда.

Изоҳ
Асосий янгиликлар