Украинанинг Донецк вилоятидаги «Боинг-777» қулаган жойда «қора қути»лар топилган. Бу ҳақда воқеа жойидаги мутахассислар берган маълумотга таяниб, Gazeta.ru хабар берди.
Аввалроқ айирмачилар бортдаги ўзиёзарларни тадқиқ қилиш учун Москвага топширмоқчи эканликларини айтган эди.
Эслатиб ўтамиз, Украина-Россия чегараси яқинида Малайзияга тегишли «Боинг-777» йўловчи самолёти қулади. Лайнер ҳозирги вақтда жанговар ҳаракатлар кетаётган Донецк яқинидаги Снежное аҳоли пункти яқинида қулаган. Самолёт бортида 280 нафар йўловчи ва экипажнинг 15 нафар аъзоси бўлган. Қайд этишларича, самолёт 10 километр баландликда парвоз қилаётган бўлган.
ИТАР-ТАСС ахборот агентлигининг Россия авиадиспетчерлик доираларидаги манбаларига асосланиб хабар беришича, самолёт бортидаги барча йўловчилар ҳалок бўлган.
Изоҳ (0)