Ўзбекистондаги иккита олий таълим муассасаси — Мирзо Улуғбек номидаги Ўзбекистон миллий университети ва Самарқанд қишлоқ хўжалик институти МДҲ ОТМлари рейтингига киритилди. Ушбу рейтинг «Эксперт РА» рейтинг агентлиги томонидан тузилди, дея хабар берди Anhor.uz.
Унда ҳар иккала ОТМ ҳам D статусига эга бўлди, бу битирувчилар тайёрлаш даражасининг яроқли эканини билдиради. «Сифатли таълим олиш учун шарт-шароитлар даражаси», «ОТМ битирувчиларининг иш берувчилар ичида талабгирлиги даражаси» ва «ОТМ илмий тадқиқот фаолияти даражаси» кўрсаткичларининг барчаси бўйича Миллий университет 3 та даражадан иккинчисига лойиқ деб топилган бўлса, Самарқанд қишлоқ хўжалиги институти биринчи ва иккинчи кўрсаткичлар бўйича учинчи даражага эга бўлди.
Рейтингда МДҲ давлатларидаги жами 153 та ОТМ фаолияти таҳлил қилинган. Энг юқори А статусига («битирувчилар тайёрлашнинг энг юқори даражаси») биргина Ломоносов номидаги Москва давлат университети эга бўлди.
Изоҳ (0)