ЖЧ — 2014 мусобақаси 3-ўрни учун кечган Бразилия ҳамда Голландия терма жамоалари ўртасидаги баҳс ўз ниҳоясига етди. Унда Луи ван Гал шогирдлари йирик 3:0 ҳисобида ғолиб бўлишди. Бу ҳақда Uff.uz хабар берди.
Учрашувнинг 2-дақиқасидаёқ ҳакам Роббенга Тяго Сильва томонидан ишлатилган қўполлик учун пенальти белгилади. 11 метрли нуқтага яқинлашган Робин ван Перси мўлжалдан адашмади,1:0.
16-дақиқага келиб Давид Луиз тўпни қайтаришда хатога йўл қўйди. Дейли Блинд бўлса рақибларидан қайтган тўпни Сезар дарвозасига аниқ йўллади, 2:0.
Шу тариқа, ўзлари учун жуда қулай ҳисобга эга бўлган голландлар ўйинни катта маҳорат билан назорат қилишди.
Иккинчи бўлимда бразилияликлар анча хавфли ҳужумлар уюштиришганига қарамай ҳакам томонидан қўшиб берилган вақтда Янматнинг узатмасидан сўнг Вейналдум ҳисобни йирик 3:0 кўринишига олиб келди.
Шу тариқа, Голландия ЖЧ — 2014 мусобақасида 3-ўринни, Бразилия бўлса мос равишда 4-ўринни қўлга киритди.
ЖЧ — 20143-ўрин учун баҳс
Бразилия – Голландия 0:3 (0:2, 0:1)Голлар: 0:1 – 3, пенальти ван Перси, 0:2 – 16 Блинд, 0:3 – 90 Вейналдум.Бразилия – Жулио Сезар, Майкон, Силва, Давид Луиз, Максвелл, Паулино (Эрнанес, 57), Л. Густаво (Фернандино, 46), Виллиан, Оскар, Рамирес (Халк, 73), Жо.Голландия – Силессен (Ворм, 90), де Врей, Влар, Блинд (Янмат, 70), Кюйт, Вейналдум, Класи (Велтман, 90), Мартинс Инди, де Гузман, ван Перси, Роббен.Огоҳлантиришлар: Силва (2), Роббен (9), де Гузман (36), Фернандино (54), Оскар (68).
Изоҳ (0)