Ўзбекистонда 25 июндан бошланган қирқ кунлик чилла 5 августга қадар давом этади. Бугун, 26 июнь куни, Ўзбекистонда ҳарорат 36—41 даража иссиқни, жануб ва чўл зоналарида эса 42—44 даража иссиқни ташкил этади. Бу ҳақда Ўзбекистон Республикаси Вазирлар Маҳкамаси ҳузуридаги Гидрометеорология хизмати маркази (Ўзгидромет) хабар берди.
Gazeta.uz’нинг маълумотига кўра, Тошкентда энг баланд ҳарорат 1997 йил 18 июлда қайд этилган бўлиб, у +44,6 даражани ташкил этган.
26 июнь 14:00 ҳолатига кўра Тошкентда 38 даража иссиқ кузатилмоқда. Ўзгидромет маълумотига кўра, 28 июнь—1 июль кунлари ҳаво ҳарорати Тошкентда 41, Қашқадарё ва Сурхондарёда 44, Фарғона водийсида 40, Қорақалпоғистон ва Хоразмда 43, Бухоро ва Навоийда 44, тоғли ҳудудларда эса 32 даражагача кўтарилади.
2014 йил муборак Рамазон ойи ҳам айни иссиқ кунларга тоғри келар экан. Рўзадорларга сабр тилаймиз ;)
Изоҳ (0)