Тошкент шаҳрининг Навоий кўчасидаги «Чорсу» бекатида Mercedes Benz Connecto Low Floor маркасидаги 89-рақамли автобус ёниб кетди. Бу ҳақда Uz24.uz хабар берди.
Йўловчилар зудлик билан эвакуация қилинди. Воқеа жойига ўт ўчирувчилар ва махсус хизмат ходимлари етиб келди. Ҳалокат натижасида ҳеч кимга зарар етмаган. Ёнғин сабаби ҳозирча номаълум.
89-автобус Қорасув-1 даҳасидан «Чорсу» савдо маркази йўналишида қатнайди.
Ушбу русумдаги шаҳар автобусларининг ёниб кетиш ҳодисаси аввал ҳам кузатилган. Чунончи, 5 май куни Тошкент темир йўл вокзали яқинида Қўйлиқ-2 — Бошлиқ йўналишида қатновчи 12-рақамли автобус ёниб кетган эди.
Изоҳ (0)