UzReport ТВ телеканали ва Beeline алоқа оператори Бразилиядаги ФИФА—2014 Жаҳон Кубоги доирасида «Биз футбол ишқибозимиз» ҳаваскор видеотасмалар танловини ўтказади. Бу ҳақда компания матбуот хизмати хабар берди.
Танловда иштирок этиш учун жаҳон чемпионати пайтида футболга ишқибозлик қилинган пайтдаги қизиқарли ҳолатни видеога олиш керак. Ёрқин ҳиссиётлар, ишқибозликнинг ўзига хос кўринишлари, севимли жамоани мадҳ қилувчи шеър ва қўшиқлар, монтаж ҳамда эффектлар – буларнинг барчаси қўллаб-қувватланади.
Бир дақиқадан ошиқ бўлмаган тайёр видеотасмани исталган видео-серверлардан бирига жойлаштириш, ундан олинган ҳаволани эса ўз исми, шахсий маълумотлари ва «Танловга ариза» белгиси билан fifa2014@uzreport.com манзили бўйича юбориш зарур. Танлов учун аризалар – 2014 йилнинг 12 июнидан 15 июлигача қабул қилинади. Танловга фақат муаллифлик ишлари қабул қилинади.
Олинган видеотасмалардан энг қизиқарлилари футбол бўйича жаҳон чемпионати мобайнида доимий равишда UzReport ТВ телеканалида намойиш этилади.
Энг яхши ишларнинг муаллифлари танлов ташкилотчилари томонидан 2014 йилнинг 20 июлига қадар аниқланади ва қимматбаҳо совғалар билан тақдирланади:
- 1-ўрин — Samsung Galaxy Note 10.1 планшети
- 2-ўрин — Samsung Galaxy S III мини смартфони
- 3-ўрин — 3G Wi-Fi рутер
Изоҳ (0)