АҚШнинг Apple компанияси ўзининг iWatch соатини сентябрда тақдим этади, дея хабар берди «ИТАР-ТАСС».
Қурилма октябрдаёқ сотувга чиқади, нархи 199—299 доллар атрофида бўлади.
«Ақлли» соат ёрдамида фойдаланувчилар ўз жисмоний аҳволини назорат қилиб бориши, пульсини ва қадамлари сонини ўлчаши мумкин бўлади. Қурилма iOS платформасида ишлайди ва эгилган ОLED-экранга эга.
Аввалроқ Apple вице-президенти Эдди Кью компания бу йил ўзининг сўнгги 25 йил ичида энг яхши гаджетларини тақдим этишини маълум қилган эди.
Эдди Кью айнан қандай гаджетларни назарда тутаётганига аниқлик киритишга шошилмади. Бироқ ушбу «энг яхши» қурилмаларнинг дастлабкилари 2 июнь куниёқ WWDC 2014 анжумани давомида намойиш этилиши мумкин.
Изоҳ (0)