Қирғизистон пойтахти Бишкек шаҳридаги Свердлов тумани суди Манас аэропортида жойлашган АҚШ Ҳарбий-ҳаво кучлари авиабазасининг сервис хизмати ходимини тўрт йиллик қамоқ жазосига ҳукм қилди. Брэндон Карнелиус безориликда айбланди. Бу ҳақда «ИТАР-ТАСС» хабар берди.
Асли АҚШнинг Калифорния штатидан бўлган Карнелиус Қирғизистонга икки йил аввал авиабаза сервис хизматида менежер бўлиб ишлаш учун келган. Шу йилнинг июнида унинг шартнома муддати тугаши керак эди.
Март ойида ушбу АҚШлик маҳаллий аёлни зўрламоқчи бўлган, воқеа жойига етиб келган ҳуқуқни муҳофаза қилиш органлари ходимларига жисмоний қаршилик кўрсатган ва улардан бирининг погонини юлиб олган. Бундан ташқари, милиция пунктидаги жиҳозни синдирган.
Аксилтеррор кучлар авиабазаси Манасда 2001 йил декабрда очилган. У Афғонистондаги «Мустаҳкам озодлик» операциясини қўллаб-қувватлаш учун мўлжалланган эди. Қирғизистон ва АҚШ келишувига кўра, ҳарбийлар 11 июлгача мамлакатни тарк этади.
Изоҳ (0)