Россиянинг Челябинск механика заводи «Ўзбекнефтьгаз» Миллий холдинг компанияси учун КС-65717 автомобиль кранларини етказиб беради. Бу ҳақда UzDaily хабар берди.
Автомобиль IVECO шассиси асосида ясалади ва фойдаланиш шарт-шароитларидан келиб чиқиб хусусиятлар мажмуи билан қўшимча жиҳозланади. Илк партия июнь ойи бошида етказиб берилади.
Россия заводи матбуот хизматидагиларнинг хабар беришича, Ўзбекистон ва Қозоғистон машинасозлик корхоналарига ушбу моделдаги кран қурилмаларини жўнатиш режалаштирилмоқда.
Челябинск механика заводининг 50 тонна юк кўтариш қувватига эга кран қурилмаси ўзига хос техник хусусиятларга эга бўлиб, уларни крансозликдаги янгилик деб аташ мумкин. Шу туфайли ушбу заводнинг янги маҳсулотига қизиқиш катта.
Изоҳ (0)