Американинг General Motors автоконцерни шанба куни АҚШ бозоридан 51,6 мингта машинани қайтариб олишини эълон қилди. Бунга ҳайдовчи ва йўловчи хавфсизлигига таъсир кўрсатиши мумкин бўлган дастурий таъминотдаги камчилик сабаб бўлган. Бу ҳақда «ИTАР-ТАСС» хабар берди.
Ушбу машиналар 2013 йил март—август ойларида ишлаб чиқарилган Buick Enclave, GMC Acadia va Chevrolet Traverse йўлтанламасларидир. Маълум бўлишича, уларнинг дастурий таъминотидаги носозлик туфайли, бакдаги ёқилғи даражасини кўрсатувчи ускуна нотўғри ишлаши, натижада кутилмаган пайтда бензин тугаб қолиши мумкин.
General Motors баёнотида таъкидланишича, гап фақат эҳтиёт чоралари ҳақида кетмоқда, ушбу носозлик натижасида содир бўлган йўл-транспорт ҳодисалари қайд этилмаган.