Nissan компанияси автомобиль кузови учун сув ва лойни ўзига юқтирмайдиган махсус бўёқ технологиясини синовдан ўтказа бошлади. У автомобиль эгаларини машинани ювиш заруриятидан халос қилиши мумкин. Бу ҳақда TJournal хабар берди.
Янги технология Европа бозоридаги Nissan Note’да қўлланилади. У Ultra-Ever Dry деб номланиб, Nissan томонидан биринчи маротаба фойдаланилади.
Махсус бўёқ гидрофоб ва олеофоблик хусусиятларига эга бўлиб, лой ва ёмғир сувини ўзига юқтирмайди. Бунга бўёқ устида ушланиб турадиган юпқа ҳаво қатлами ёрдамида эришилади. Лой, сув ва турли ёғлар ҳаво қатлами устидан сирғалиб тушиб кетади, натижада машинага тегиб ёки ёпишиб қолмайди.
Қопламанинг самарадорлигини текшириб кўриш мақсадида Nissan Technical Centre муҳандислари янги автомобилни бир неча ойлар давомида атроф-муҳитнинг турли шароитларида синаб кўради. Ҳозирча Nissan Note кўлмаклар, ёмғир, лойгарчилик ва аёз шароитларидан муваффақиятли ўтди.
Изоҳ (0)