Ўзбекистон ялпи ички маҳсулоти 2014 йилда 7 фоизга ўсади. Бу ҳақда Халқаро валюта фондининг «Жаҳон иқтисодиёти истиқболлари» апрель докладида айтиб ўтилди, дея хабар берди UzDaily.
Нашрнинг эслатишича, 2013 йил октябрида ХВФ Ўзбекистон иқтисодиётининг жорий йилда 6,5 фоизга ўсишини прогноз қилган эди. 2013 йил якунларига кўра, Ўзбекистон ЯИМ 8 фоизга ўсган, дейилади докладда.
ХВФ мутахассисларининг фикрича, 2015 йилда Ўзбекистон иқтисодиётининг ўсиш кўрсаткичи 6,5 фоизни ташкил этади.
Бундан ташқари, инфляция даражаси 2013 йилдаги 11,2 фоиздан 2014 йилда 11 фоизга тушиши, 2015 йилда эса 11 фоизни ташкил қилиши башорат қилинмоқда.
Изоҳ (0)