O‘zbekiston yalpi ichki mahsuloti 2014-yilda 7 foizga o‘sadi. Bu haqda Xalqaro valyuta fondining “Jahon iqtisodiyoti istiqbollari” aprel dokladida aytib o‘tildi, deya xabar berdi UzDaily.
Nashrning eslatishicha, 2013-yil oktabrida XVF O‘zbekiston iqtisodiyotining joriy yilda 6,5 foizga o‘sishini prognoz qilgan edi. 2013-yil yakunlariga ko‘ra, O‘zbekiston YaIM 8 foizga o‘sgan, deyiladi dokladda.
XVF mutaxassislarining fikricha, 2015-yilda O‘zbekiston iqtisodiyotining o‘sish ko‘rsatkichi 6,5 foizni tashkil etadi.
Bundan tashqari, inflyatsiya darajasi 2013-yildagi 11,2 foizdan 2014-yilda 11 foizga tushishi, 2015-yilda esa 11 foizni tashkil qilishi bashorat qilinmoqda.
Izoh (0)