Хитойнинг экспорт-импорт банки (Эксимбанк) Ўзбекистоннинг марказий қисмини Фарғона водийси вилоятлари билан боғловчи 19 километрли темир йўл туннелини лойиҳалаштириш ва қуриш учун кредит ажратди. Бу ҳақда Uzbekistan Today хабар берди.
«Ўзбекистон темир йўллари» ДАТЙК хабарига кўра, ушбу туннелни молиялаштириш лойиҳаси бўйича Эксимбанк 350 миллион доллар миқдорида кредит тақдим этади. У 5 йиллик имтиёзли давр билан қўшиб ҳисоблаганда 20 йиллик муддатга берилди.
Қамчиқ довонидан ўтувчи темир йўл туннелини қуришни Хитойнинг China Railway Tunnel Group компанияси амалга оширади.
Ўтган йилнинг ёзида тузилган шартномага кўра, Хитой поездлар ҳаракатланиши учун мўлжалланган 19 километрлик туннел ва фавқулодда ҳолатлар учун қия туннел қуриш мажбуариятини олган. Қурилиш 2016 йилнинг июлида битиши кўзда тутилган.
Изоҳ (0)