Ўзбекистон ва араб молия институтлари Араб давлатлари лигаси (АДЛ), Марказий Осиё мамлакатлари ва Озарбойжоннинг 13 май куни Ар-Риёд шаҳрида бўлиб ўтадиган биринчи иқтисодий форуми доирасида умумий нархи 500 миллион долларга тенг лойиҳаларни муҳокама қилади. Бу ҳақда «РИА Новости» маълумотига таяниб, UzDaily хабар берди.
Яқинда республика ташқи иқтисодий алоқалар, инвестициялар ва савдо вазирлигида (ТИАИСВ) Саудия Арабистони ташқи ишлар вазири ўринбосари Юсуф ал-Саъдун билан музокаралар бўлиб ўтди. Унда Ўзбекистон делегациясининг АДЛ форумида иштироки масалалари муҳокама қилинди.
Форум чоғида ўзбек томони АДЛ инвесторлари билан 10 та лойиҳани амалга ошириш учун маблағлар жалб этишни муҳокама қилади.
Хусусан ушбу лойиҳалар тиббий муассасалар, ОТМларни жиҳозлаш, умумтаълим мактабларига муқобил энергия манбаларини киритиш, канализация тизимини реконструкция қилиш ва ичимлик суви таъминотини яхшилаш, шунингдек, миллий автомагистрал қурилишини якунлаш соҳаларини қамраб олади.
Изоҳ (0)