Surxondaryo viloyatining Sherobod tumanida 5 kishining o‘limiga olib kelgan YTH sodir bo‘ldi. Avtohalokatdan so‘ng olingan tasvirlar ijtimoiy tarmoqlarda tarqaldi.
Dastlabki ma’lumotlarga ko‘ra, 59 yoshli haydovchi Sh.D. Tracker avtomobilida Toshkent—Sherobod yo‘nalishida harakatlanib kelib, boshqaruvni yo‘qotishi oqibatida yo‘lning o‘ng chetida to‘xtab turgan yuk mashinasi orqa tomoniga kelib urilgan.
Oqibatda haydovchi va 59, 70, 44 va 50 yoshda bo‘lgan to‘rt nafar yo‘lovchi ayol vafot etgan.
Bosh prokuratura matbuot xizmati rahbari Hayot Shamsutdinovning “Daryo”ga ma’lum qilishicha, mazkur holat yuzasidan viloyat IIB huzuridagi TB tomonidan 12-may kuni Jinoyat kodeksining 266-moddasi 3-qismi “a” bandi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)