Fransuz aktyori Alen Delon 88 yoshida vafot etdi. Bu haqda uning farzandlari xabar berishdi, deb yozdi “RBK”.
Foto: “RBK”
“Alen Fabien, Annushka, Entoni va uning Loubo laqabli iti otalarining vafot etganini katta qayg‘u bilan e’lon qiladi. U o‘z uyida, uch nafar farzandining oldida tinchgina jon berdi”, deyiladi xabarda.
2019-yilda aktyor insult kasalligini boshidan o‘tkazdi, shundan so‘ng Alen Delon Shveysariyaning L’Illustre nashriga evtanaziya qilishga (bemor o‘limini sun’iy ravishda tezlashtirish) qarshi emasligini aytgan edi.
“Men hozirda yashab kelayotgan zamondan nafratlanaman, bu davrlar meni kasal qiladi”, degan edi u 2018-yilda.
Aktyorning tan olishicha, agar uning iti aktyor o‘lganidan keyin tirik qolsa, u holda itni ham o‘ldirish uchun shifokordan ukol qilishlarini so‘ragan.
Alen Delon 1935-yil 8-noyabrda Parijda tug‘ilgan. U bir necha marta maktablar va maktab-internatlardan haydalgan va 17 yoshida Hindi Xitoyga dengizchi bo‘lib ishlash uchun ketgan va besh yildan so‘ng vatani Fransiyaga qaytib kelgan. Delon hayoti davomida ko‘p marta kasblarini o‘zgartirdi: u yuk tashuvchi, ofitsiant, barmen kabi kasblarda ishladi.
Bir kuni Alenni barda kino agentlari uchratib qoladi va unga “Ayollar aralashganda” filmida rol ijro etishni taklif qiladi. Delon bunga rozi bo‘ladi va ekrandagi debyutidan atigi uch yil o‘tgach, “Rokko va uning birodarlari” (1960) kriminal dramasidagi bosh roli uchun xalqaro e’tirofga sazovor bo‘ladi.
Delon ishtirokidagi eng filmlar orasida “Yorqin quyoshda”, “Samuray” (1967), “Borsalino” (1970), “Zorro” (1975) kabi filmlar mashhurdir.
Izoh (0)