Fransiyalik taniqli aktyor Alen Delon kuz oylarida rejissor Patris Lekontning kartinasida suratga tushib bo‘lganidan so‘ng kinodagi karyerasini yakunlashini e’lon qildi. Bu haqda, Belga axborot agentligiga tayanib, “TASS” xabar bermoqda.
“Bu mening eng oxirgi filmim bo‘ladi: bokschi me’yoridan ortiq jang qilishni istamaganidek, men ham ortiqcha tasmada tushishni istamayman”, — dedi 81 yoshli aktyor.
Delonning aytishicha, uning oxirgi kinokartinasi sevgi hikoyasidan iborat bo‘lib, syujetga ko‘ra, uning yoshidagi qahramon tasodifan 50 yoshli ayol bilan uchrashib qoladi. Delonning mahbubasi rolini Jyulyet Binosh ijro etadi.
Izoh (0)