Ukraina prezidenti Vladimir Zelenskiy fransuz tilidagi TV5 Monde xalqaro telekanaliga va bir qator fransuz OAVga intervyu berdi. 23-sentabr kungi ushbu suhbatda afsonaviy fransuz aktyori Alen Delon ham ishtirok etdi.
“Kino hayotdan qanday farq qilishini ko‘ryapmiz. Chunki kinoda fojia bir yarim soatda tugaydi. Hayotda esa hech qachon tugamaydigandek tuyuladi. Sakkiz yil o‘tdi va yana olti oylik keng ko‘lamli urushlar. Bularning allaqachon tugashini juda-juda xohlardim”, — dedi Ukraina prezidenti.
O‘z navbatida, fransuz aktyori unga javob qaytardi.
“Siz va Ukraina xalqi hozir boshdan kechirayotgan voqealarga loyiq emas. Hammasidan ham muhimi, siz uni qo‘zg‘atadigan hech narsa qilmadingiz. Men tushunmaydigan narsalar bor. Bu urushni qabul qila olmayman. Har kuni qanday azob chekayotganingizni, odamlarning, bolalarning, hayvonlarning o‘lishini ko‘rish juda ham yoqimsiz tuyg‘u. Agar men 50 yoshga kichikroq bo‘lganimda, Ukraina armiyasiga qo‘shilgan bo‘lardim”, — dedi 86 yoshli fransuz aktyori”.Ukraina prezidenti, o‘z navbatida, jahon yulduzlarining Ukrainani omma oldida qo‘llab-quvvatlashi muhimligini ta’kidladi. Shuningdek, u Alen Delonni Kiyevga taklif qildi. Aktyor taklifni qabul qildi.
Izoh (0)