Saudiya Arabistoni fuqarosi ijtimoiy tarmoqlar orqali aldov yo‘li bilan daromad qilish maqsadida noqonuniy haj operatsiyasini tashkil etgani uchun 1 yilga qamaldi. Bu haqda Arab News xabar berdi.
Dastlabki hukmda unga 1 yillik qamoq jazosi va 10 ming rial (2 666 dollar) miqdorida jarima, shuningdek, jinoyatda qo‘llanilgan barcha qurilma va vositalar musodara qilish jazosi tayinlangan.
Mamlakatda soxta haj operatsiyalarini yaratish qamoq bilan jazolanadigan katta jinoyat hisoblanadi. Shu bilan birga, haj xavfsizlik kuchlari Makkaga ruxsatnomasiz kirmoqchi bo‘lgan 36 nafar fuqaroni hibsga olgan.
Ma’lumot o‘rnida, Saudiya Arabistoniga 2025-yilgi haj mavsumi uchun xorijdan bir milliondan ortiq ziyoratchi kelgan.
Hajga kelganlarning 53 foizi erkaklar, 47 foizi esa ayollardir. Ziyoratchilarning 94 foizi havo yo‘li bilan, 4,83 foizi quruqlikdagi chegara punktlari orqali, taxminan, 0,5 foizi esa dengiz orqali yetib kelgan.
Izoh (0)