Toshkent shahrida 2 kishini hajga jo‘natish uchun salkam 13 ming dollar olgan turfirma xodimlari ushlangani ma’lum qilindi.
Keltirilishicha, Davlat xavfsizlik xizmatining Sirdaryo viloyati bo‘yicha boshqarmasi xodimlari tomonidan ichki ishlar organlari bilan hamkorlikda o‘tkazilgan tezkor tadbirda Toshkent shahrida faoliyat yurituvchi turistik firma ishchisi bo‘lgan shaxs Boyovut tumanida yashovchi 2 nafar fuqaroni Saudiya Arabistoniga haj ziyoratiga yuborish evaziga 12 800 AQSH dollari olgan vaqtida ushlangan.
Tergovga qadar tekshiruv davomida mazkur turfirmaning 2 nafar xodimi ham fuqarolarning ishonchiga kirib, ziyoratga yuborish bahonasida ularning pullarini firibgarlik yo‘li bilan o‘zlashtirish mexanizmini joriy qilgani aniqlandi.
Holat yuzasidan Jinoyat kodeksining 168-moddasi 3-qismi “a” bandi bilan jinoyat ishi qo‘zg‘atilib, qonunbuzarlarning 2 nafariga nisbatan qamoq ehtiyot chorasi qo‘llandi.
Hozirda tergov harakatlari olib borilmoqda va ulardan jabr ko‘rgan boshqa fuqarolarning shaxsiga aniqlik kiritish bo‘yicha zarur chora-tadbirlar ko‘rilmoqda.
DXX Farg‘ona viloyati bo‘yicha boshqarmasi hamda viloyat ichki ishlar boshqarmasi xodimlari hamkorligida o‘tkazilgan tezkor tadbirda esa Marg‘ilon shahrida yashovchi shaxs Toshloq tumanida yashovchi fuqaroni haj amallarini ado etish uchun safarga yuborish evaziga 11 ming AQSH dollari olgan vaqtida ashyoviy dalillar bilan ushlandi.
Hozirda holat yuzasidan mazkur shaxsga nisbatan Jinoyat kodeksining 25,168-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqa.
Haj va umra tadbirlarini tashkil etish
Haj ziyoratiga borish uchun ruxsatnoma olish talab etiladi. Har yili ajratilgan kvotalar asosida nomzodlar tasdiqlanadi. Tasdiqlangan nomzodlar safar hujjatlarini rasmiylashtiradi.
2024-yil iyulida O‘zbekistonda umra tadbirlarini tashkil etish va o‘tkazish litsenziyalanadigan faoliyatning alohida turi sifatida belgilangan. Litsenziyaga ega bo‘lmagan tadbirkorlik subyektlari tomonidan umra xizmatlarini ko‘rsatish taqiqlangan. Bunday huquqbuzarliklar uchun yuridik shaxslarga solinadigan jarimalar miqdorlari BHMning 200 baravari (75 million so‘m) etib belgilangan.
Bu boradagi firibgarliklar:
- Toshkentda to‘rt kishini 26 ming dollar evaziga hajga noqonuniy yubormoqchi bo‘lgan turfirma xodimlari ushlandi
- Toshkentda to‘rt kishini hajga jo‘natish uchun 23,6 ming dollar olgan shaxs ushlandi
- Toshkentda 4 kishini hajga jo‘natish uchun 27,2 ming dollar olayotgan turfirma xodimi ushlandi
- Namangan, Xorazm, Farg‘onada haj va umraga noqonuniy yubormoqchi bo‘lganlar ushlandi (video)
Izoh (0)