O‘zbekistonda 2024—2025-o‘quv yilida 700 mingdan ortiq maktab yoshidagi bolalar 1-sinfga qabul qilinishi rejalashtirilgan. Bu haqda Maktabgacha va maktab ta’limi vazirligi matbuot xizmati “Daryo”ga maʼlum qildi.
Qayd etilishicha, ayni vaqtda respublikada 10 182 ta umumtaʼlim maktablari mavjud. Ularda 6,4 mln dan ortiq o‘quvchilar taʼlim oladi.
2024—2025-o‘quv yilida 700 mingdan ortiq maktab yoshidagi bolalar 1-sinfga qabul qilinishi rejalashtirilgan. Bugungi kunga qadar 511 484 ta (64 831 tasi onlayn va 446 653 tasi oflayn) ariza qabul qilingan.
Ixtisoslashtirilgan taʼlim muassasalari agentligi tizimida 14 ta Prezident maktabi, 9 ta ijod maktabi, 182 ta ixtisoslashtirilgan maktab va maktab-internatlari mavjud. Mazkur taʼlim muassasalarida 70 mingdan ortiq o‘quvchi tahsil oladi.
Maʼlumot uchun, 2023—2024-o‘quv yilida 732 mingdan ortiq maktab yoshidagi bolalar 1-sinfga o‘qishga borgan.
Yakuniga yetgan o‘quv yilida O‘zbekistonda 414 mingdan ortiq 11-sinf o‘quvchilari maktabni tamomladi.
Izoh (0)