Rossiya urushda halok bo‘lgan yana 1,2 ming ukrainalikning jasadini qaytardi. Bu haqda Al Jazeera xabar berdi.
Ukraina rasmiylariga ko‘ra, qaytarilgan jasadlarning umumiy soni 4,8 mingdan oshgan. Lekin o‘t ochishni to‘xtatish va 4 yildan beri davom etayotgan mojaroni to‘xtatishning iloji bo‘lmayapti.
Bu haqda harbiy asirlar bilan bog‘liq ishlarni nazorat qiluvchi Ukraina hukumati organi — Ukrainaning mahbuslar bilan muomala qilish bo‘yicha muvofiqlashtiruvchi shtabi Telegram’da ma’lum qildi va topshirish shu oy boshida Istanbuldagi muzokaralarda erishilgan kelishuvning bir qismi ekanini aytgan.
“Men ushbu gumanitar missiyada ishtirok etgan barchaga minnatdorlik bildiraman. Oldinda identifikatsiyaning muhim va mas’uliyatli bosqichi turibdi. Bu murakkab va nozik ish bo‘lib, har bir oilaga javob olish imkoniyatini beradi”, dedi Ukraina mudofaa vaziri Rustem Umerov.
O‘tgan haftadagi bir qator almashinuvlarda Istanbul kelishuviga muvofiq 4800 dan ortiq jasad vataniga qaytarilgan. Bu Rossiya 2022-yil fevral oyida Ukrainaga keng ko‘lamli bosqinni boshlaganidan beri urush qurbonlarining eng katta almashinuvidan biri bo‘ldi. Rossiya bunga Ukraina “javob qaytarmaganini” aytmoqda.
Rossiya davlat OAVlari so‘nggi marta 1200 nafar ukrainalik topshirilganini tasdiqlagan. Biroq Moskva buning evaziga birorta ham rus jasadini olmaganini aytgan. Ukraina hozircha bunga izoh bermagan.
Istanbuldagi kelishuvga ko‘ra, Kiyev va Moskva bir-biriga 6000 dan ortiq jasadni topshirishi, kasal va og‘ir yaralangan harbiy asirlar va 25 yoshgacha bo‘lganlarni almashishi kerak edi. Ammo Rossiya hozircha jami 27 nafar rossiyalik harbiy xizmatchini qabul qilgani haqida xabar bergan.
Izoh (0)