Toshkent shahar Olmazor tumanida olim, professor Abdulaxad Qahhorov o‘z uyida o‘ldirib ketildi. Bosh prokuratura holat yuzasidan ma’lumot berdi.
Unga ko‘ra, 18-iyul kuni soat 22:00 larda Olmazor tumani IIO FMB navbatchilik qismining 102 telefon raqamiga bu haqda xabar berilgan. Fuqarolar uning xonadonida shovqin ovozini eshitgach, ichki ishlarga murojaat qilgan.
Tezkor-tergov guruhi voqea joyiga yetib kelib, xonadon eshigini ochganda ushbu xonadonning balkon qismida fuqaro — 1951-yilda tug‘ilgan Abdulaxad Qahhorov tanasining turli qismida kesilgan tan jarohatlari bilan vafot etgani aniqlangan.
Mazkur holat yuzasidan Olmazor tuman prokuraturasi tomonidan Jinoyat kodeksining 97-moddasi 1-qismi bilan jinoyat ishi qo‘zg‘atildi. Gumonlanuvchi shaxs protsessual tartibda ushlangan. Sodir etilgan jinoyat sabablari aniqlanmoqda.
Izoh (0)