Тошкент шаҳар Олмазор туманида олим, профессор Абдулахад Қаҳҳоров ўз уйида ўлдириб кетилди. Бош прокуратура ҳолат юзасидан маълумот берди.
Унга кўра, 18 июль куни соат 22:00 ларда Олмазор тумани ИИО ФМБ навбатчилик қисмининг 102 телефон рақамига бу ҳақда хабар берилган. Фуқаролар унинг хонадонида шовқин овозини эшитгач, ички ишларга мурожаат қилган.
Тезкор-тергов гуруҳи воқеа жойига етиб келиб, хонадон эшигини очганда ушбу хонадоннинг балкон қисмида фуқаро — 1951 йилда туғилган Абдулахад Қаҳҳоров танасининг турли қисмида кесилган тан жароҳатлари билан вафот этгани аниқланган.
Мазкур ҳолат юзасидан Олмазор туман прокуратураси томонидан Жиноят кодексининг 97-моддаси 1-қисми билан жиноят иши қўзғатилди. Гумонланувчи шахс процессуал тартибда ушланган. Содир этилган жиноят сабаблари аниқланмоқда.
Изоҳ (0)