Toshkent shahar Yakkasaroy tumanida erkak tungi soat 2 da qo‘lini yuvayotgan payt kanalga tushib ketdi. Bu haqda FVV xabar berdi.
Unga ko‘ra, 23-iyul kuni soat 01:56 da Toshkent shahar, Yakkasaroy tumani, Bahodir ko‘chasidan oqib o‘tuvchi Bo‘rijar kanaliga bir fuqaro qo‘lini yuvish maqsadida borib, ehtiyotsizlik oqibatida suvga tushib ketgani va uni olib chiqishda amaliy yordam so‘rab FVBga murojaat qilingani xabar berilgan.
Aytilgan manzilga FVV qutqaruvchilari yetib borgan va maxsus qutqaruv anjomlari yordamida fuqaroni sog‘-salomat suvdan olib chiqib, hayotini saqlab qolgan.
Shundan so‘ng, tibbiy yordam ko‘rsatish maqsadida tez tibbiy yordam xodimlariga topshirilgan. Fuqaroning ahvoli yaxshi.
Izoh (0)