Тошкент шаҳар Яккасарой туманида эркак тунги соат 2 да қўлини юваётган пайт каналга тушиб кетди. Бу ҳақда ФВВ хабар берди.
Унга кўра, 23 июль куни соат 01:56 да Тошкент шаҳар, Яккасарой тумани, Баҳодир кўчасидан оқиб ўтувчи Бўрижар каналига бир фуқаро қўлини ювиш мақсадида бориб, эҳтиётсизлик оқибатида сувга тушиб кетгани ва уни олиб чиқишда амалий ёрдам сўраб ФВБга мурожаат қилингани хабар берилган.
Айтилган манзилга ФВВ қутқарувчилари етиб борган ва махсус қутқарув анжомлари ёрдамида фуқарони соғ-саломат сувдан олиб чиқиб, ҳаётини сақлаб қолган.
Шундан сўнг, тиббий ёрдам кўрсатиш мақсадида тез тиббий ёрдам ходимларига топширилган. Фуқаронинг аҳволи яхши.
Изоҳ (0)