O‘zbekiston U-23 jamoasi va “Paxtakor” hujumchi Muhammadali O‘rinboev faoliyatini Belgiya chempionati davom ettirishi mumkin. Jurnalist Yaxyoxo‘ja Ulug‘xo‘jayev o‘zining telegram kanalida ma’lum qilishicha, futbolchi “Antverpen” jamoasiga o‘tmoqda.
Manbaga ko‘ra, hozirda futbolchi viza bilan bog‘liq jarayonlarning yakunlanishini kutmoqda. Shundan keyin u Fransiya orqali Belgiyaga yo‘l oladi. Tomonlar 3 yoki 4 yillik to‘liq shartnoma imzolash arafasida turibdi.
“Antverpen” Belgiyaning nomdor klublaridan biri sanaladi. Klub o‘tgan mavsum mamlakat chempionatini 5-o‘rinda yakunlagan edi.
Avvalroq O‘rinboev Angliyaning “Brentford” klubi safida ijara asosida to‘p surgan edi.
O‘rinboyev O‘zbekiston U-23 terma jamoasi a’zosi hisoblanadi. U joriy mavsum Superliga doirasidagi 11 uchrashuvda maydonga tushib, o‘z hisobiga 3 ta gol yozdirib qo‘ygan. Uning “Paxtakor” bilan shartnomasi 2025-yilning oxiriga qadar amal qiladi. Transfermarkt portali O‘rinboyevning qiymatini 450 ming yevroga baholagan.
Izoh (0)