Joriy yil yanvar oyida o‘zbekistonlik futbolchi Angliyaning “Brentford” klubiga transfer qilingan edi.
Muhammadali kecha, 23-fevral kuni klubning U-21 jamoasi safida debyut uchrashuvini o‘tkazdi. “Reding” U-21 jamoasiga qarshi kechgan o‘yinda “Brentford” 1:2 hisobida mag‘lubiyatga uchradi.
Muhammadali O‘rinboyev o‘yinni asosiy tarkibda boshladi va kichik jarohat sabab 59-daqiqada zahiraga olindi.
O‘yin davomida futbolchimiz burchak to‘pi va jarima zarbalarini amalga oshirgan.
Eslatib o‘tamiz, 18 yoshli O‘rinboyev “Paxtakor” safidan Angliyaga qishgi transferlar doirasida ko‘chib o‘tgan edi. Klublar o‘rtasidagi kelishuvga muvofiq, u 30-iyunga qadar “Brentford”da ijarada asosida o‘ynaydi. Ushbu muddatdan keyin esa Angliya klubi Muhammadalini sotib olish huquqiga ega bo‘ladi.
Izoh (0)