Turkiyalik mashhur aktrisa Fahriya Evjen Instagram sahifasida turmush o‘rtog‘i va farzandlari bilan Londonda dam olayotgani aks etgan suratlarni e’lon qildi.
Suratlarda Fahriye Evjen, uning eri — aktyor va model Burak O‘zchivit hamda ikki farzandi — Karan va Kerem tasvirlangan.
“Biz Londonda yo‘qolib qoldik”, deb yozgan Fahriye suratlar ostiga.
Suratlarda O‘zchivitlar dam olish vaqtini maroqli o‘tkazayotgani va Londonning diqqatga sazovor joylari aks etgan. Ijtimoiy tarmoq foydalanuvchilari mashhur juftlikka maroqli dam tilab, ularning samimiy suratlariga ijobiy izohlar qoldirishdi.
Burak O‘zchivit va Fahriye Evjen — Turkiyaning eng mashhur juftliklaridan biri hisoblanadi. Ular “Choliqushi” teleserialini suratga olish jarayonlarida tanishgan va shundan keyin uchrasha boshlagan. Vaqt o‘tishi bilan juftlikning o‘rtasida munosabatlar mustahkamlanib bordi va ular oila qurishga qaror qilgan.
Hozirda ular ikki nafar farzandi — Karan va Kerem ismli o‘g‘illari tarbiyasi bilan mashg‘ul. 2019-yilda katta o‘g‘li Karan tug‘ilgan, 2023-yilda kichik o‘g‘li dunyoga kelgan.
Izoh (0)