Rossiyaning Sank Peterburg shahrida 15 yoshli qizga jinsiy tajovuz qilgan o‘zbekistonlik erkak ushlandi. Bu haqda Rossiya Ichki ishlar vazirligiga tayanib 78.ru xabar berdi.
Maktab o‘quvchisiga hujum 31-may kuni kechqurun Viborg tumanida sodir bo‘lgan. 49 yoshli O‘zbekiston fuqarosi qizni Kustodiyev ko‘chasidagi bolalar maydonchasidan o‘g‘irlab ketgan. Jabrlanuvchining otasi holat yuzasidan politsiyaga murojaat qilgan.
Qiz 1-iyun kuni ertalab Rudneva ko‘chasidan topilgan va kasalxonaga olib ketilgan. Shifokorlar jabrlanuvchida bo‘yin jarohati borligini aniqlagan. Ekspertizadan so‘ng, qizcha uyiga jo‘natilgan.
Jabrlanuvchining aytishicha, migrant unga nisbatan jinsiy zo‘ravonlik harakatlarini sodir etgan. O‘zbekiston fuqarosi avvalroq o‘ldirish bilan tahdid qilganlikda ayblangan. Ammo o‘shanda unga qarshi ish to‘xtatilgandi.
Izoh (0)