O‘zbekistonning Isroildagi elchixonasi mazkur mamlakatdagi o‘zbekistonliklarga murojaat bilan chiqdi.
Murojaatda aytilishicha, Isroil hududida xavfsizlik masalalari bo‘yicha Front orti buyrug‘i tomonidan maxsus ogohlantirishlar beriladi. Fuqarolardan ushbu belgilangan rasmiy ko‘rsatmalarga qat’iy amal qilish so‘raldi.
Qizil rangdagi ogohlantirish – bu xavfli vaziyatni anglatadi. Bunday paytda siz:
- Yaqindagi himoyalangan joy (bomboubejishe/mamat) yonida bo‘lishingiz lozim;
- Harakatlanishni cheklashingiz zarur;
- Sirena eshitilganda, zudlik bilan himoyalangan joyga kiring va yangi ogohlantirish berilgunga qadar shu yerda qoling.
Ko‘k rangdagi ogohlantirish – xavf o‘tganini va himoyalangan joyni tark etish mumkinligini bildirish uchun beriladi. Boshpanalar yonida qolish shart emas.
Muhim: Har qanday holatda ham, rasmiy organlarning ko‘rsatmalariga rioya qiling va yaqin atrofdagi boshpana joylari haqida avvaldan ma’lumotga ega bo‘ling, deyiladi murojaatda.
Shuningdek, aytilishicha bugun Isroil hududiga kuchli raketa hujumlari kuzatilishi kutilmoqda.
“Shu munosabat bilan o‘z xavfsizligingizni ta‘minlash maqsadida ehtiyot choralarini ko‘rishingizni va Isroil Front orti buyrug‘i tomonidan berilgan ko‘rsatmalarga qat’iy amal qilishingizni so‘raymiz”, deya ogohlantirish berildi.
Elchixonaning fuqarolarga murojaatlari:
- Isroil havo hududi yopilishi sabab aviaqatnovlar vaqtincha to‘xtatildi
- Isroildagi o‘zbekistonliklarga zaruriyatsiz ko‘ngilochar joylarga bormaslik tavsiya qilindi
- Erondagi o‘zbekistonliklar raketa otishmalari sabab ogohlikka chaqirildi
- Isroildagi o‘zbekistonliklar ehtimoliy hujumlar tufayli ogohlikka chaqirildi
Izoh (0)