2025-yil 29-iyun tongida Las-Vegasdagi “T-Mobile” arenada UFC 317 turniri bo‘lib o‘tdi. Kechaning asosiy jangi — yengil vazn toifasidagi bo‘sh turgan chempionlik kamarini qo‘lga kiritish uchun o‘tkazildi.
Mazkur vazn toifasida kamar Islom Maxachevning yuqori divizionga o‘tishi ortidan vakant holatga kelib qolgan edi. Final jangida asli gruziyalik bo‘lib, Ispaniya sharafini himoya qilayotgan Iliya Topuriya va braziliyalik sobiq chempion Charlz Oliveyra maydonga tushdi va 1 raundning o‘zida g‘alaba qozonib, yengil vazn toifasida yangi chempionga aylandi.
Jang har ikki sportchining faolligi bilan boshlandi. Biroq birinchi raundning o‘zida Topuriya kuchli zarba yo‘llab, raqibining yuziga jarohat yetkazdi. Oliveyra klinchga kirishga urindi, biroq Topuriya uni yerga yotqizib, qisqa vaqt davomida nazorat ostida ushlab turdi. Jangchilar yana tik holatga qaytgach, Iliya oldinga intilib, kuchli yon zarbalar bilan hujumga o‘tdi. Oliveyra esa unga apperkot bilan javob qaytardi.
Ammo navbatdagi hujum jang taqdirini hal qildi. Topuriyaning chap qo‘li bilan yo‘llagan zarbasi to‘g‘ri nishonga tekkach, Oliveyra yerga quladi. Iliya yerda unga yana ikkita zarba berdi, biroq Oliveyra allaqachon nokaut holatida edi.
Shu tariqa, Iliya Topuriya UFC yengil vazn toifasining yangi chempioniga aylandi va promoushen tarixida ikki vazn toifasida chempionlik kamarini qo‘lga kiritgan o‘ninchi jangchiga aylandi.
Izoh (0)