AQSHning Kaliforniya shtatida Toshkent vaqti bilan 18-fevral tongida UFC 298 turniri bo‘lib o‘tadi.
Turnirning asosiy jangi Yarimyengil vazn toifasi chempioni Aleks Volkanovski hamda Iliya Topuriya o‘rtasida kechdi.
Jangning kkinchi raundida Topuriya Volkanovskining jag‘iga ketma-ket zarbalar berdi va uni muvozanatdan chiqarib, nokaut holatiga tushirdi. Shu tariqa gruziyalik sportchi UFC chempioniga aylandi.
Shuningdek, Robert Uittaker Paulo Kostani hakamlar qaroriga ko‘ra mag‘lubiyatga uchratdi.
Asosiy kard natijalari:
Iliya Topuriya (15-0) 2-raundda Aleks Volkanovskini (26-4) nokautga uchratdi;
Robert Uittaker (25-7) hakamlar qaroriga ko‘ra Paulo Kosta ustidan g‘alaba qozondi (14-3);
Ien Gerri (14-0) hakamlar qaroriga ko‘ra Jeff Nilni (15-6) mag‘lub etdi;
Merab Dvalishvili (17-4) hakamlar qaroriga ko‘ra Genri Sexudoni (16-4) mag‘lubiyatga uchratdi;
Entoni Ernandes (12-2) 2-raundda Roman Kopilovni (12-3) bo‘g‘ish usulida mag‘lub etdi.
Izoh (0)