“Manchester Siti” yarim himoyachisi Savinyo faoliyatini Angliya Premyer Ligasining boshqa klubida davom ettirishi mumkin. Bu haqda Braziliyaning Globo nashri xabar berdi.
Manbaga ko‘ra, futbolchiga Londonning “Tottenhem” jamoasi jiddiy qiziqish bildirmoqda. Klub rahbariyati 21 yoshli braziliyalik vinger uchun taxminan 80 million yevro to‘lashga tayyor.
Futbolchining o‘zi ham transferga qarshi emas. Sababi “Manchester Siti”ning yarim himoya chizig‘ida kuchli raqobat mavjud. Savinyo esa 2026-yilda AQSH, Meksika va Kanada mezbonlik qiladigan Jahon chempionati oldidan doimiy o‘yin amaliyotiga ega bo‘lishni va Braziliya terma jamoasi tarkibidan o‘rin egallashni istamoqda. Shu sababli u boshqa klubga o‘tish variantini inkor etmayapti.
“Tottenhem” bosh murabbiyi Tomas Frank Savinyoning transferini qo‘llab-quvvatlamoqda. Ayni paytda muzokaralar boshlangan va yaqin kunlarda rasmiy qaror e’lon qilinishi mumkin.
“Manchester Siti” futbolchining transferiga qarshi emas. Klub Savinyoning transferidam tushgan mablag‘ni “Real” vingeri Rodrigoni sotib olishda foydalanmoqchi.
- O‘tgan mavsumda Savinyo “Manchester Siti” safida jami 48 uchrashuvda maydonga tushib, 3 ta gol va 13 ta golli uzatma muallifiga aylangan.
- Futbolchining “shaharliklar” bilan shartnomasi 2029-yil yozigacha amal qiladi.
- Transfermarkt portali braziliyalik vingerning qiymatini 50 million yevroga baholagan.
Izoh (0)