Ijtimoiy tarmoqlarda Andijonda Onix yo‘ldan o‘tayotgan 5 yoshli bolani urib ketgani aks etgan videolar tarqaldi. Viloyat YHXB axborot xizmatining xabar qilishicha, voqea joriy yilning 21-may kuni soat 20:25 larda, Andijon shahar “O‘zbegim” MFY Mashrab ko‘chasida ro‘y bergan.
2002-yilda tug‘ilgan haydovchi M.B. o‘zining Onix rusumli transport vositasini boshqarib ketayotib, oldinda tartibga solinmagan piyodalar o‘tish joyidan yo‘lni kesib o‘tayotgan 2020-yilda tug‘ilgan voyaga yetmagan A.M.ni urib yuborgan.
Ushbu YTH oqibatida, voyaga yetmagan piyoda olgan tan jarohati bilan Respublika shoshilinch tez tibbiy yordam markazining Andijon filialiga yotqizilgan.
“Mazkur holat yuzasidan haydovchiga nisbatan Jinoyat kodeksining 266-moddasi 1-qismi bilan jinoyat ishi qo‘zg‘atilib, hozirda tergov harakatlari olib borilmoqda”, deyiladi viloyat YHXB xabarida.
Avvalroq, joriy yilning 11-avgust kunida ham yarim tunda Damas mashinasi 9 yoshli bolani urib yuborgani to‘g‘risida xabar qilingandi. Ushbu holatda voyaga yetmagan piyoda yo‘lni piyodalar yo‘lakchasidan kesib o‘tayotgan bo‘lgan.
Izoh (0)