AQSH Favqulodda vaziyatlarni boshqarish federal agentligi (FEMA) migrantlarni saqlash markazlari qurish uchun shtatlarga 608 million dollar ajratilishini ma’lum qildi. Mazkur mablag‘lar Tramp ma’muriyatining noqonuniy muhojirlarni saqlash quvvatini kengaytirish siyosati doirasida ajratilmoqda.
FEMA bu maqsadda DSGP grant dasturini ishga tushiradi. Uning doirasida shtatlar vaqtinchalik saqlash inshootlarini qurish xarajatlarini qoplashlari mumkin. Arizalar 8-avgustgacha topshirilishi kerak bo‘ladi.
Tramp ma’muriyati bir necha oydan beri shtatlarni o‘z hududlarida migrantlar uchun saqlash markazlari qurishga undab kelmoqda. Yangi dastur ushbu tashabbusni moliyaviy jihatdan qo‘llab-quvvatlash imkonini beradi. FEMA mablag‘larni AQSH bojxona va chegara xizmati (CBP) bilan hamkorlikda tarqatadi.
Florida misoli
Florida gubernatori Ron DeSantis shtat Alligator Alcatraz deb nomlangan yangi markaz qurish xarajatlarini qoplash uchun FEMAdan mablag‘ so‘rashini tasdiqladi. Ichki xavfsizlik departamenti ma’lumotiga ko‘ra, ushbu markazning yillik xarajati 450 million dollarni tashkil qiladi.
Izoh (0)