Janubiy Koreyada 5 kundan buyon kuchli suv toshqinlari va yomg‘irlar davom etmoqda. Ushbu hodisalarda shu kungacha halok bo‘lganlarning soni 26 nafarga yetdi. Bu haqda Yonhap News Agency xabar berdi.
Tabiiy ofat Gapyong, Gyeongnam va Sanchon provinsiyalariga rekord darajada talafot yetkazgan. Halok bo‘lganlarning aksariyati ham shu hududlarga to‘g‘ri keladi. Katta zarar ko‘rgan Chunchon va Kvanju provinsiyalarida toshqin oqibatlarini bartaraf etish ishlari hamon davom etmoqda.
Sanchon provinsiyasida 19-noyabr kuni 300 millimetrga yaqin yomg‘ir yog‘gan. Kyongnam o‘t o‘chirish departamenti ma’lumotlariga ko‘ra, 20-iyul soat 9:00 holatiga ko‘ra, provinsiyada qurbonlar soni 8 kishiga yetgan, 2 kishi og‘ir jarohat olib, 6 kishi bedarak yo‘qolgan (taxminlarga ko‘ra, toshqinda oqib ketgan). Hududda evakuatsiya qilinganlar soni 5871 ta xonadon va 7591 kishini tashkil etadi. Shundan 4400 xonadon va 5517 nafar odam o‘z uylariga qaytgan.
Sanchon va Xapchon provinsiyalaridagi 11 ta qishloq elektr ta’minotidan uzilgan. Ba’zi hududlarda esa telefon va internet aloqasi beqaror bo‘lib qolgan. Tabiiy ofatlarga qarshi kurashish va xavfsizlikni ta’minlash markaziy shtabi ma’lumotlariga ko‘ra, so‘nggi hodisalarda mamlakat bo‘ylab 26 kishi halok bo‘lib, 12 kishi bedarak yo‘qolgan. Qidiruv guruhlari cho‘kib ketgan va bedarak yo‘qolgan odamlarni izlashga safarbar qilingan.
Izoh (0)