Samarqand viloyatining Qo‘shrabot tumanidagi o‘quvchilar uchun 17 ta yangi maktab avtobusi taqdim etildi. Bu haqda Saida Mirziyoyeva xabar berdi.
Ma’lum qilinishicha, ushbu avtobuslar prezident topshirig‘iga binoan sovg‘a sifatida taqdim etildi. Avtobuslar tumandagi 20 ta olis maktabda tahsil olayotgan 750 nafardan ortiq o‘quvchiga xavfsiz va qulay tarzda o‘z sinfxonalariga yetib borish imkonini beradi.
“Biz har bir bola, qayerda yashashidan qat’i nazar, sifatli, zamonaviy va munosib ta’lim olish imkoniyatiga ega bo‘lishini juda istaymiz hamda bunga erishish uchun barcha sa’y-harakatlarimizni yo‘naltiramiz”, deydi Saida Mirziyoyeva.
Prezident yordamchisi 19-iyun kuni Samarqanddagi 71-maktabda bo‘lib, ushbu maktabni va Samarqanddagi boshqa maktablarni a’lo baholar bilan bitirgan o‘quvchilarga oltin medallarni topshirdi. Uning qayd etishicha, 71-maktab bitiruvchilari orasida medal olayotgan va xalqaro ta’lim muassasalariga o‘qishga kirayotgan yoshlar ko‘p. O‘tgan yili mazkur dargohning barcha bitiruvchilari oliy o‘quv yurtlari imtihonidan o‘tib, talabalikka qabul qilindi.
-JV6wtuP3.avif)
Samarqand va Jizzax viloyatining olis va chekka hududlarida joylashgan maktab o‘quvchilari uchun bepul avtobus qatnovi yo‘lga qo‘yilishi 2025-yil uchun davlat dasturi loyihasida ko‘zda tutilgandi.
Izoh (0)