Toshkent shahrida tibbiyot yo‘nalishi bo‘yicha fuqaroni 3-bosqichdan o‘qishga kiritib qo‘yishni vaʼda qilgan shaxs ushlandi. Bu haqda Bosh prokuratura huzuridagi departament xabar berdi.
Maʼlum qilinishicha, fuqaro S.E. fuqaro A.A.ning ishonchiga kirib, tanishlari yordamida go‘yoki qo‘shni Qozog‘iston OTMning 2-bosqichini tugatganligi to‘g‘risida hujjat rasmiylashtirib berishni vaʼda qiladi. U ushbu hujjat orqali Toshkentdagi nodavlat OTMga tibbiyot yo‘nalishiga 3-bosqichdan o‘qishga kiritib qo‘yishini aytadi.
Buning evaziga 48 mln so‘m pul berishi kerakligini aytib, ushbu pullar hisobidan 1000 dollarini olgan vaqtida ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
So‘nggi oylarda e’lon qilingan firibgarlik va korrupsiya holatlari
Mart oyida Toshkent shahri va viloyatida fuqarolarni ishga kiritib qo‘yish uchun pul olgan Milliy gvardiya xodimlari qamoqqa olindi. Fevralda Toshkent shahrining Yashnobod, Navoiy shahri hamda Farg‘ona viloyatining Oltiariq tumanlarida fuqarolarga imtiyozli kredit olib berishni vaʼda qilgan shaxslar ushlandi. Xorazmda transport boshqarmasi bosh mutaxassisi 80 ming dollar olayotganida qo‘lga tushdi. Yanvarda Toshkentning Uchtepa tumanida hokim yordamchisi 30 ming dollari olayotganiga ushlandi.
Izoh (0)