Toshkent viloyatida 2023-2025-yillarda viloyatda jami 268 ta obyekt mulkdoriga 166,4 milliard so‘mlik kompensatsiya mablag‘lari to‘lab berildi. Bu haqda viloyat hokimligi xabar berdi.

Unda aytilishicha, maqsadli dasturlar asosida 208 ta ko‘chmas mulk egalarining roziliklari asosida 242,1 milliard so‘m kompensatsiya to‘lagan holda boshqa joyga ko‘chirildi. Jumladan:
- Yangiyo‘l shahrida ko‘prik qurilishi hisobiga 13 nafar mulkdorga 19,5 milliard so‘m;
- Nurafshon shahrida avtomobil yo‘l qurilishi hisobiga 48 nafar mulkdorga 38,9 milliard so‘m;
- Angren shahrida ko‘mir koni kengayishi hisobiga xavfli hududga aylangan mahalla fuqarolari yig‘inidagi 86 nafar oilaga 43,5 milliard so‘m;
- Yuqori Chirchiq tumanida barpo etilayotgan “Yangi Toshkent shahri”, ko‘p qavatli turar joylar, avtomobil yo‘li hududida 41 ta mulkdorga 92 milliard so‘m;
- Bo‘stonliq tumanida tashkil etilayotgan zamonaviy ko‘rinishga ega bo‘lgan turizm kurort zonasida 4 ta mulkdorga 20,3 milliard so‘m;
- Parkent tumani markazining arxitekturaviy qiyofasini tubdan yaxshilash maqsadida 16 nafar oilaga 27,9 milliard so‘m kompensatsiya mablag‘ini to‘lagan holda, boshqa joyga ko‘chirildi.
Samarqandda rekonstruksiya ishlari sababli 200 dan ortiq obyekt “snos”ga tushadi.
O‘zbekistonda ko‘chmas mulkni ommaviy baholash tizimi joriy etiladi.
Ommaviy baholash ishlari quyidagi bosqichlarda amalga oshiriladi:
- 2025–2026 yillarda – eksperiment tariqasida Toshkent shahrida;
- 2026–2027 yillarda – Nukus shahri va viloyatlar markazlarida;
- 2027 yil va undan keyingi yillarda – qolgan hududlarda.
“Uy-joy va ipoteka bozorini yanada rivojlantirishga oid qo‘shimcha chora-tadbirlar to‘g‘risida”gi prezident farmoni qabul qilingan edi. Farmon bilan O‘zbekistonda ipoteka kreditlarida to‘lovlarning bir qismini qoplash uchun subsidiyalar oshiriladi.
O‘zbekistonda turar joyi nochor ahvoldagi oilalarga o‘z hovlisida uy qurish va taʼmirlashga 120 million so‘mgacha ipoteka krediti ajratiladi.
Izoh (0)