Isroil harbiy-havo kuchlari samolyotlari Damashq xalqaro aeroporti yo‘lida joylashgan as-Sayida Zaynab hududining janubi-sharqiy chekkasiga hujum qildi.
Al-Hadat telekanali xabar berishicha, Al-Mazor hududida Suriya armiyasi tomonida jang qilayotgan “Hizbulloh” tuzilmalari lagerlari yaqinida bir necha portlash ovozlari eshitilgan.
Zarbalar oqibatida yuzaga kelgan yo‘qotishlar va moddiy zarar haqida ma’lumot berilmagan.
Avvalroq Turkiya Birlashgan Millatlar Tashkilotiga 52 ta davlat hamda ikkita xalqaro tashkilotning Isroilga qarshi qurol embargosini joriy etish murojaatidan iborat maktubini topshirgani xabar berilgandi.
Maktubda bosib olingan Falastin hududlarida, shuningdek, Livan va Yaqin Sharqning boshqa hududlarida zo‘ravonlik kuchayishi va xalqaro huquq normalarining buzilishidan chuqur xavotir bildirilgan.
Isroil harakatlari oqibatida qurbonlar orasida ayollar va bolalar soni ortayotgani qayd etilgan. Ushbu xavfli tendensiyani to‘xtatish uchun favqulodda choralar ko‘rish zarurligi ta’kidlangan.
Izoh (0)