“Milan”ning sobiq hujumchisi Andrey Shevchenko, “Roma”ning sobiq yarim himoyachisi Daniele de Rossi hamda Italiya terma jamoasi bosh murabbiyi Luchano Spaletti Italiya futboli shon-shuhrat zalidan joy oladi.
11-noyabr kuni ularning ism-sharifi shon-shuhrat zaliga kiritiladi. Bu haqida Italiya futbol federatsiyasi xabar bermoqda.
Italiya shon-shuhrat zali 2011-yilda tashkil topgan. U Italiya futbolining merosi, tarixi, madaniyati va qadriyatlarini asrab-avaylashga qaratilgan.
Har yili zalga yangi o‘yinchilar, murabbiylar, hakamlar, italiyalik futbolchilar qo‘shiladi, shuningdek, xotira mukofotlari topshiriladi.
O‘tmishda mashhur bo‘lgan futbolchilardan Andrea Pirlo, Paolo Maldini, Fabio Kannavaro, Franchesko Totti, Diego Maradona va Ronaldo Italiya futbolining shon-shuhrat zaliga kiritilgan.
Izoh (0)