Shveysariya Federal kengashi toza energiya manbalari bilan taʼminlash borasidagi muammolar fonida 2018-yildan beri amalda bo‘lgan yangi atom elektr stansiyalari qurilishiga qo‘yilgan taqiqni bekor qilishga tayyorligini bildirdi.
Shveysariya konstitutsiyasida allaqachon “keng diversifikatsiyalangan energiya ta’minoti” ko‘zda tutilgani va markaziy hamda kanton hokimiyatlariga bu sohada tegishli vakolatlar berilganligi sababli hukumatning “Elektr energiyasi hamma uchun, har doim” nomli tashabbusini rad etgan.
Shu bilan birga, hukumat “energiya ta’minotining uzoq muddatli xavfsizligini ta’minlash” maqsadida tashabbusga qarshi taklif tayyorlash niyatida ekanligini e’lon qilgan, bu yangi atom elektr stansiyalarining potensial qurilishiga ham tegishli.
“Yangi atom elektr stansiyalarini qurish bo‘yicha joriy taqiq texnologik ochiqlik maqsadiga muvofiq kelmaydi va mavjud stansiyalarning to‘xtatilishi uchun ham xavf tug‘diradi”, deyiladi hukumat bayonotida.
Mamlakat rasmiylari o‘z takliflarini 2024-yil oxirigacha tayyorlashi kutilmoqda, 2025-yil mart oyi oxirigacha muzokaralar bo‘lib o‘tadi, shundan so‘ng mamlakat parlamenti jamoatchilik tashabbusini ham, qarshi taklifni ham muhokama qiladi.
Shveysariyaning atom energetikasini bosqichma-bosqich bekor qilish qarori 2017-yilgi referendumda tasdiqlangan, o‘shanda hukumatning quyosh, shamol va gidroenergetikani rivojlantirish uchun subsidiyalar bilan barqaror energiyani rivojlantirish rejalari ham qo‘llab-quvvatlangan.
2019-yilda Shveysariya Muhlenberg AESni 47 yillik faoliyatidan so‘ng yadrodan voz kechish jarayonining bir qismi sifatida foydalanishdan chiqargan edi. Mamlakatda to‘rtta atom elektr stansiyasi ishlamoqda, ular butun ishlab chiqarishning uchdan bir qismini tashkil qiladi.
Shveysariya yozda gidroenergetikaga tayanadi, lekin yilning boshqa vaqtida energiyani birinchi navbatda Fransiyadan import qilishiga to‘g‘ri keladi.
Izoh (0)